–
أكيد في يوم من الأيام شفت فيلم من أفلام المخابرات وشفت إزاي بيتم الكتابة بالحبر السري على ورق فاضي مثلا.
وما يظهرش أي تغيير على الورقة وتفضل بيضاء زي ماهي 
–يعني باختصار كده تم إخفاء الكلام داخل الورقة باستخدام الحبر السري .
– هي دي نفس فكرة علم
Steganography هي اخفاء البيانات والمعلومات داخل وسيط اللي هو ( الورقة البيضاء ) في المثال اللي فوق 
–مع تطور التكنولوجيا قدرنا نغير الوسيط اللي هنخفي فيه البيانات ، وبقينا نقدر نخفي أي رسالة داخل صورة ، فيديو ، ملف نصي ، أو حتى ملف صوتي 
–يعني ممكن تبعت صورة عادية لصاحبك وأي حد يفتحها يلاقيها صورة عادية غير ملفتة للانتباه نهائياً
ولكن لو صاحبك فك تشفيرها هتظهر لك الرسالة المخفية . 
–الميزة في عملية steganography إن مافيش طرف تالت بيكون عارف إن في تشفير لأن في وسيط في المنتصف اللي هو الصورة مثلا ، فما حدش بياخد باله.
–يعني لو أي حد بيتعقبك أو بيتجسس على جهازك او موبايلك وعاوز يعرف مراسلاتك ، مش هيعرف إن الصور اللي انت باعتها لحد مثلا جواها رسالة مخفية .
–أما في حالة استخدام التشفير encryption وعلم Cryptography فبتكون الرسالة مباشرة ومشفرة وغير مقروءة ومافيش وسيط زي الصورة مثلا .
–ف بيكون واضح إن في رسالة قدام عينينا أهي بس مشفرة ومش عارفين نقراها وبالتالي بيتم التأكد من وجود عملية مراسلات مخفية ولكن محتاجة لفك التشفير .
– أما لو انت عيل صايع ومقطع البطاقة وماشي بوصل النور ف انت هتعمل دمج بين علم Cryptography وعلم Steganography في إخفاء وتشفير البيانات والمراسلات .
–كل ده هنتعلمه عملي وهنعرف إزاي نخفي الرسائل في الصور والملفات بأنواعها ،،، وهنتعلم طريقة المراسلات السرية باستخدام لغة البايثون
