Kali Linux Profissional Course كورس إحتراف كالي لينكس

Description

 الدورة الشاملة لإحتراف كالي لينكس –
—————————————

الكورس هيبدأ معاك من الصفر –
من أول ما تفتح الكمبيوتر وهنوصل لمرحلة الاحتراف في إدارة kali linux

عشان كده بقولك إن المحتوى قوي جداً وهينقلك لمرحلة متقدمة في استخدام كالي لينكس –

تعالى كده نشوف محتوى كورس احتراف كالي لينكس  –

هنعرف ازاي نحمل النظام الوهمي على الويندوز ، عشان نثبت عليه أنظمة التشغيل سواء كالي لينكس أو ويندوز

 وكمان هنجهز إعدادات الشبكة عشان الاستخدام العملي

 هنعرف إزاي نحمل كالي لينكس ونثبته ونجهز الاعدادات بحيث نبقى جاهزين للشغل العملي –

 هنفتح كالي لينكس  ونتعرف على واجهة النظام وناخد لفة كده في سطح المكتب والقوائم وكمان ناخد فكرة الأدوات الموجودة في كالي وتصنيفاتها واستخدامات  –

هنعرف كمان إزاي نغير خلفية سطح المكتب ونعدل في الأيقونات والقوائم في كالي لينكس –

 هنعمل تحديث لنظام كالي عشان يبقا up to date ونعمل له update و upgrade –

هنعرف إزاي نتعامل مع المجلدات والملفات في كالي لينكس وازاي نتصفح أي ملف –

 هنعرف ازاي ننشأ مجلد جديد أو ملف نصي جديد باستخدام الأوامر في التيرمنال.

 هنشوف طريقة إظهار الملفات المخفية في كالي لينكس وطريقة تصفح كل ماهو مخفي على النظام –

 كمان هنعرف طريقة التنقل والتحول بين الفولدرات في كالي لينكس بسهولة –

 هنعرف طريقة نسخ ولصق المجلدات والملفات وكمان طريقة التعديل عليها –

 هنفهم إزاي ممكن ننشأ ونتحكم في عدة ملفات في أمر واحد فقط باستخدام التيرمنال –

 هنشوف طريقة طباعة محتوى الملفات والتعديل عليها باستخدام الأوامر في كالي لينكس –

هنعرف ازاي نبحث عن مفتاح أو كلمة أو جملة في كالي لينكس حتى لو داخل ملف نصي –

 هنفهم أهمية البحث grep في كالي لينكس خصوصا لمختبري الاختراق والهاكرز.

 هنتعرف على طريقة حصر وعد الجمل والحروف والكلمات في ملف نصي وتصدير الناتج إلى ملف جديد –

 هنشوف كمان إزاي ممكن نعمل sort ونرتب محتوى الملفات النصية وغيرها –

 كمان هنفهم طريقة حذف العناصر المكررة باستخدام uniq بالتفصيل –

 هنفهم طريقة استبدال الكلمات والمفاتيح داحل الملفات النصية في كالي لينكس –

 هنتعرف على أساسيات الشبكات الخاصة بإدارة كالي لينكس –

هنعرف إزاي نضيف مستخدمين في كالي لينكس وازاي ننتقل من مستخدم الى آخر باستخدام التيرمنال –

كمان هنفهم إزاي نعمل إدارة للمستخدمين ونحذف مستخدم معين ونعمل إزالة عميقة لكافة مجلداته من نظام التشغيل  –

 هنعرف إزاي نقوم بإنشاء مجموعة مستخدمين جديدة و إزاي نضيف مستخدم معين لها وهنتعرف على المجموعات الافتراضية في كالي لينكس –

 قراة الصلاحيات حاجة مهمة جداً وما ينفعش ما نفهمهاش ونتعمق فيها عشان ده هيفيدك أوي في عمليات الاختراق الاخلاقي –

هنفهم ليه إستخدام ال root فيه خطورة كبيرة وهنفهم الفرق بين ال root وبين المستخدم العادي في كالي لينكس –

 هنطبق عملي طريقة مراقبة الشبكة ومعرفة العمليات النشطة في كالي لينكس –

هنعرف ونكتشف المنافذ أو البورتات أو المفتوحة في نظام التشغيل بتاعنا ونشوف إزاي نعمل kill لأي عملية مشكوك فيها أو غير مرغوب فيها  –

 هنتعرف على الخدمات services في كالي لينكس وهنطبق عملي طريقة استخدام apache في عمل web server ونرفع عليه صفحة ويب –

 هنطبق عملي طريقة مشاركة المجلدات والملفات بين كالي لينكس و ويندوز عن طريق Samba service –

هنفهم ونطبق عملي طريقة التحكم عن بعد remote access في نظام Kali linux باستخدام بروتوكول SSH وهنعرف طريقة تفعيل الخدمة واستخدامها –

 هنفهم يعني ايه procecess في كالي لينكي وهنقدر نشوف كل اللي بيحصل في ال background ونتحكم فيه –

 وهنطبق كل الشغل ده عملي عشان توصل لمرحلة احترافية في استخدام وادارة كالي لينكس –